ՊՆ. Զինակոչիկներին տեղափոխող ավտոբուսի միջադեպի հետ կապված ՌՈ-ն նյութեր է պատրաստում
ՀՀ պաշտպանության նախարարի մամուլի քարտուղար Արծրուն Հովհաննիսյանը ֆեյսբուքյան իր էջում անդրադարձել է զինակոչիկներին տեղափոխող ավտոբուսի հետ կապված միջադեպին:
Նա գրել է, որ նախարարությունը դատապարտում է կատարվածն ու անթույլատրելի է համարում:
«ՀՀ պաշտպանության նախարարության Ռազմական ոստիկանությունը համապատասխան նյութեր է նախապատրաստում», - գրել է նա:
Ավելի վաղ «Հայկական ժամանակ» օրաթերթը տեսանյութ է հրապարակել, որտեղ երևում է, թե ինչպես են մի խումբ երիտասարդներ մեքենաներով կանգնեցնում զինակոչիկներին տեղափոխող ավտոբուսը, որին հաջորդում են քաշքշոց և հայհոյանքներ:
