Մարդու իրավունքների եվրոպական դատարանը (ՄԻԵԴ) հրապարակել է ադրբեջանցի լրագրող Խադիջա Իսմայիլովային վարկաբեկող արշավի գործով վճիռը, որը երկրի նախագահ Իլհամ Ալիևի ընտանիքի հետ կապվող կոռուպցիոն գործարքների վերաբերյալ մի շարք աղմկահարույց բացահայտումներ է արել:
Ադրբեջանը պարտավորվում է €15,000 փոխհատուցում վճարել լրագրողին՝ անձնական կյանքի անձեռնմխելիության իրավունքը խախտելու և խոսքի ազատությունը ճնշելու համար:
2012 թվականին Իսմայիլովան սպառնալիք պարունակող նամակ է ստացել անհայտ անձանց կողմից, որին կցված էին նաև լրագրողի անձնական կյանքին վերաբերող մանրամասներ՝ սեռական բնույթի լուսանկարներ: Համացանցում նաև հրապարակվել էր Իսմայիլովայի և իր զուգընկերոջ սեռական ակտի տեսագրությունը, որն արվել էր նրա ննջասենյակում:
Իսմայիլովան իր բնակարանում հայտնաբերել էր թաքնված տեսախցիկներ, հեռախոսազանգերի գաղտնալսման հարմարանքներ:
Ավելի ուշ լրագրողը յոթ տարվա ազատազրկման էր դատապարտվել՝ ֆինանսական մեքենայությունների մեղադրանքով: Ավելի քան մեկ տարի անց՝ միջազգային հանրության ճնշումների արդյունքում, ադրբեջանական իշխանությունները Իսմայիլովայի պատիժը փոխարինել են պայմանական ազատազրկմամբ նրա:
