Քրիստիան Տեր-Ստեփանյանը նշանակվել է Միավորված ազգերի կրթական, գիտական և մշակութային կազմակերպությունում ՀՀ մշտական ներկայացուցիչ (նստավայրը՝ Փարիզ): ՀՀ նախագահ Արմեն Սարգսյանը ստորագրել է համապատասխան հրամանագիրը:
Հրամանագիրը ստորագրվել է, հիմք ընդունելով վարչապետի առաջարկությունը` համաձայն Սահմանադրության 132-րդ հոդվածի 1-ին մասի 2-րդ կետի:
ՀՀ նախագահի մեկ այլ հրամանագրով Քրիստիան Տեր-Ստեփանյանը հետ է կանչվել Ֆրանկոֆոնիայի մշտական խորհրդում ՀՀ ներկայացուցչի պաշտոնից, հայտնում է նախագահի մամուլի ծառայությունը:
ՅՈՒՆԵՍԿՕ-ի ամբոջական անվանումն է՝ Միավորված ազգերի կրթական, գիտական և մշակութային կազմակերպություն (United Nations Educational, Scientific and Cultural Organization, UNESCO), որը Միավորված ազգերի՝ 1945 թվականին հիմնված հատուկ գործակալություն է: Կառույցի գլխավոր վարչության գրասենյակները գտնվում են Փարիզում: