Հունվարի լույս 29-ի գիշերը Կալիֆորնիայի Լոս Անջելես քաղաքի հայկական դպրոցների պատերին գիշերը թուրքական դրոշներ են կախել: Խոսքը մասնավոր դպրոցների՝ Ս. Նահատակաց Ֆերահյան երկրորդական և ՀԲԸՄ Մանուկյան-Դեմիրճյան վարժարանների մասին է: Ոստիկանությունը տեղի ունեցածը որակել է որպես «ատելության միջադեպ»:

Ֆերահյան վարժարանի ցանկապատերին ու տարածքում կախվել է 11, իսկ Մանուկեյան-Դեմիրճյան վարժարանում՝ Թուրքիայի 2 դրոշ, հայտնում է Armenian Weekly-ն:

Ֆերահյան վարժարանում տեղադրված տեսախցիկները ֆիքսել են, թե ինչպես է դիմակավորված անձը կախում դրոշները։ Վարժարանի տնօրենը զգուշացրել է աշակերտների ծնողներին վերջիններիս անվտանգությունն ապահովելու համար քայլեր ձեռնարկելու անհրաժեշտության մասին:

Դպրոցների աշակերտները թուրքական դրոշների փոխարեն կախել են ՀՀ պետական դրոշները: Դասերը չեն դադարեցվել, իսկ ոստիկանությունը հսկողություն է սահմանել:

Հայ համայնքը վրդովված է: