ՀՀ ԱԺ «Իմ քայլը» խմբակցության պատգամավոր Տիգրան Կարապետյանը հանդիպել է հնդիկ և ռուս գործարարների հետ, որի ընթացքում քննարկվել է ռազմարդյունաբերության ոլորտում ՀՀ-ի հետ գործակցության հարցը:
«Հանդիպում ունեցա Հնդկաստանից և ՌԴ-ից ժամանած գործարարների հետ, որոնք շահագրգռված են գործակցել հայկական ռազմարդյունաբերական ոլորտի ձեռնարկությունների հետ», - գրել է պատգամավորը:
Նա հայտնել է, որ պայմանավորվածություն են ձեռք բերել առաջիկայում Երևանում կազմակերպել երկկողմ հանդիպում և քննարկում՝ համատեղ ձեռնարկություններ հիմնելու առաջարկների վերաբերյալ: