Վերակառուցման և զարգացման եվրոպական բանկի (ՎԶԵԲ)աջակցությամբ ՀՀ-ում կապիտալի շուկայի զարգացմանն ուղղված ծրագրեր կարող են իրականացվել, ինչը մեծապես կնպաստի ներդրումային բարենպաստ միջավայրի կայացմանը: Այդ հարցը քննարկվել է փոխվարչապետ Մհեր Գրիգորյանի հանդիպմանը Արևելյան Եվրոպայի և Կովկասի երկրների գծով ՎԶԵԲ համակարգող տնօրեն Մատտեո Պատրոնեի գլխավորած պատվիրակության հետ:
Փոխվարչապետը կարևորել է ՎԶԵԲ-ի նման գործընկերոջ հետ համագործակցության զարգացումն և ողջունել Բանկի կողմից հատկապես մասնավոր հատվածում իրականացվող ծրագրերը:
Մատտեո Պատրոնը, շնորհակալություն հայտնելով ընդունելության և գնահատանքի բարի խոսքերի համար, ներկայացրել է այն հիմնական ուղղությունները, որոնցով կարող է ընդլայնվել Հայաստանի հետ համագործակցությունը:
Հանդիպմանը զրուցակիցները մտքեր են փոխանակել ՎԶԵԲ-Հայաստան գործընկերության միջնաժամկետ համագործակցության ծրագրի առաջնայնությունների շուրջ:
Կարևորվել են ծրագրերի իրականացումը ենթակառուցվածքների զարգացման, էներգաարդյունավետության և էներգախնայողության ոլորտներում:
