ԱԺ նախկին փոխխոսնակ Արփինե Հովհաննիսյանը կասեցրել է իր անդամակցությունը Հայաստանի Հանրապետական կուսակցությանը: Այս մասին նա գրառում է արել ֆեյսբուքյան իր էջում:
«Որոշել եմ այս փուլում կասեցնել իմ անդամակցությունը Հայաստանի Հանրապետական կուսակցությանը։ Կուսակցական գործընկերներիս հաջողություն եմ մաղթում առաջիկա շրջափուլերում», - գրել է նա:
Հովհաննիսյանը հայտնել է նաև, որ հիմնադրել է հասարակական կազմակերպություն, որի նպատակն է լինելու «վերահսկել երկրում տեղի ունեցող գործընթացները, վերհանել խնդիրները, բայց դրա հետ միասին առաջարկել լուծումները»։
Հովհաննիսյանը 2012 թվականի մայիսի 6-ին ընտրվել է ՀՀ Ազգային ժողովի պատգամավոր ՀՀԿ համամասնական ընտրացուցակով։ Եղել է պետական-իրավական հարցերի մշտական հանձնաժողովի անդամ, Ազգային ժողովի էթիկայի հարցերի ժամանակավոր հանձնաժողովի նախագահ, ՀՀԿ խորհրդի անդամ։