Ալբանիայի մայրաքաղաքում ցույցեր են. Պահանջում են վարչապետի հրաժարականը
Ալբանիայի մայրաքաղաք Տիրանայում բողոքի ակցիաներ են իրականացվում՝ երկրի վարչապետ Էդի Ռամայի հրաժարականի պահանջով, հայտնում է միջազգային մամուլը:
Ցուցարարներն անկարգություններ են իրականացրել՝ շշեր և պայթուցիկներ են նետել կառավարության շենքի ուղղությամբ:
Բողոքի ցույցերի պատճառը կառավարության ղեկավարի՝ Ալբանիայի մայրաքաղաքի շրջակայքում արագընթաց մայրուղի կառուցելու մտադրությունն է, ինչի պատճառով ապամոնտաժման վտանգի տակ են հայտնվել բազմաթիվ տներ:
