Ռոհանի. Իրանը մտադիր է մասնակցել Հյուսիս-հարավի ծրագրին
Հայաստանի Հանրապետության վարչապետ Նիկոլ Փաշինյանը և Իրանի Իսլամական Հանրապետության նախագահ Հասան Ռոհանին հանդիպումից հետո զանգվածային լրատվական միջոցների ներկայացուցիչների համար հանդես են եկել հայտարարություններով:
Նախագահ Հասան Ռոհանին նշել է, որ Փաշինյանի հետ քննարկել է «Հյուսիս-հարավ» մայրուղու աշխատանքները:
«Մեր ուշադրության կենտրոնում են Հյուսիս-հարավ մայրուղու աշխատանքները: Իրանական կողմը պատրաստակամություն հայտնեց մասնակցել այդ ծրագրին: Մեր ուշադրության կենտրոնում է նաև տրանսպորտային համակարգում դյուրացումների իրականացումը, մասնավորապես, բեռնատարների երթևեկության ուղղությամբ», - ասել է Ռոհանին:
Ավելի վաղ մեկնարկել է Հայաստանի Հանրապետության վարչապետ Նիկոլ Փաշինյանի պաշտոնական այցն Իրան:
