Սեպտեմբերից հնարավոր է ուսուցիչների աշխատավարձը բարձրանա
ՀՀ կրթության և գիտության նախարար Արայիկ Հարությունյանը լրագրողների հետ զրույցում հայտնել է, որ 2019 թվականի սեպտեմբերից ուսուցիչների աշխատավարձը բարձրանալու է:
Նախարարը, սակայն, չի հստակեցրել, թե որքանով կբարձրանան աշխատավարձերը:
«Նախնական պետք է ասեմ, որ մեր ծրագրերում կա սեպտեմբերից աշխատավարձերը բարձրացնելու հարցը: Այս պահին թիվ չեմ ասի: Հիմա մենք դա կանենք բյուջեով նախատեսված մեր միջոցների խնայողությունների հաշվին», - ասել է Հարությունյանը՝ հավելելով, որ «բյուջեի վրա մեծ ճնշում չի լինի»:
Նա նաև հավելել է, որ ուսուցիչների վերապատրաստման համակարգ են ներդնելու. վերապատրաստում անցած ուսուցիչների աշխատավարձը 50%-ով կբարձրանա:
Ընթերցեք նաև՝ «Ուսուցիչների աշխատավարձի նշանակալի բարձրացում՝ վերապատրաստումների միջոցով»:
