Ալ. Սպենդիարյանի անվան օպերայի և բալետի ակադեմիական թատրոնի հարակից տարածքում իրավիճակը շարունակում է լարված մնալ։
Երևանի քաղաքապետարանը սկսել է ապամոնտաժել Օպերայի հարակից տարածքում գործող սրճարանները:
Ազատության հրապարակի տարածքում գործող սրճարանների աշխատակիցները կանգնել են հոսանքալարերի վրա և թույլ չեն տալիս, որպեսզի քաղաքապետարանի աշխատակիցները միացնեն տեխնիկան՝ սկսելու ապամոնտաժման աշխատանքները, հայտնում է Aysor.am-ը։
Սրճարանների աշխատակիցները նույնիսկ կտրել են հոսանքալարերը։ Նրանք վանկարկում են՝ ամոթ-ամոթ՝ Կենտրոն վարչական շրջանի ղեկավարին խնդրելով ապամոնտաժման աշխատանքները հետաձգել գոնե մեկ օրով,
«Մարդկային արժեքներն ո՞ւր մնացին», - հարց են ուղղել նրանք։
Ապամոնտաժման աշխատանքները վերահսկում են քաղաքապետարանի աշխատակիցները։ Տեղում է նաև Երևանի Կենտրոն համայնքի թաղապետ Վիկտոր Մնացականյանը։Տեղում են նաև մեծ թվով ոստիկաններ։
Ընթերցեք նաև.Օպերայի այգին մասնակի կվերականգնվի սրճարանների հաշվին. Ֆոտո
