Քաղաքապետ Հայկ Մարությանը տիկնոջ՝ Իվա Մարությանի հետ, այցելել է մարտի 14-ին Օպերայի հարակից տարածքի սրճարանների ապամոնտաժման դեմ բողոքող ցուցարարների և ոստիկանների միջև քաշքշոցի հետևանքով վնասվածք ստացած Սվետլանա Հարությունյանին։
Նա բուժում է ստանում Առաջին համալսարանական կլինիկայում։
Քաղաքապետին ուղեկցել է Երևանի Բժշկական համալսարանի ռեկտոր Արմեն Մուրադյանը, որը Հարությունյանին աշխատանք է առաջարկել Համալսարանական կլինիկայում։
Մարությանը շուտափույթ ապաքինում է մաղթել Հարությունյանին։
Օպերայի հարակից տարածքների ապամոնտաժվող սրճարանների աշխատակիցներն արգելափակել էին Մաշտոցի պողոտան: Ոստիկաններն ազատել են պողոտան ցուցարաներից:
Երևանի քաղաքապետ Հայկ Մարության ֆեյսբուքյան իր էջում գրառում է արել՝ շնորհակալություն հայտնելով երևանցիներին Օպերայի հարակից տարածքների սրճարանների ապամոնտաժման գործընթացին: