Ի պաշտպանություն Երևանի պետական համալսարանի ռեկտոր Արամ Սիմոնյանի՝ «Ես համալսարանական եմ» նախաձեռնության համակարգող Նարեկ Մալյանի գործով «Ռեստարտ» նախաձեռնության երկու անդամի մեղադրանք է առաջադրվել:
Այս մասին PanARMENIAN.Net-ի հետ զրույցում հայտնեց ՀՀ գլխավոր դատախազության հանրային կապերի բաժնի պետ Արևիկ Խաչատրյանը:
««Ռեստարտ» նախաձեռնության անդամներ Դավիթ Պետրոսյանին և Դավիթ Սիմոնյանին մեղադրանք է առաջադրվել՝ ՀՀ ՔՕ-ի 34-131 հոդվածի 2-րդ մասի 1-ին կետի հատկանիշներով՝ մի խումբ անձանց կողմից նախնական համաձայնությամբ առևանգման փորձ կատարելու հատկանիշներով»,- ասաց Խաչատրյանը:
Ավելի վաղ «Ռեստարտի» անդամները փորձել են աղբարկղը նետել Նարեկ Մալյանին։ Նախաձեռնության ևս չորս անդամի նկատմամբ խափանման միջոց է ընտրվել ստորագրություն չհեռանալու մասին: