ՀՀ վարչապետ Նիկոլ Փաշինյանն անդրադարձել է Արցախյան հակամարտության կարգավորման սկզբունքների պարզաբանմանը:
«Մենք ունենք այդ սկզբունքների և տարրերի տասնյակ մեկնաբանություններ: Ուզում ենք միասին հասկանալ՝ ինչ կարող են նշանակել դրանք գործնականում: Ես նոր մարդ եմ բանակցություններում, ուզում եմ հասկանալ՝ ով է ճիշտ, ով՝ սխալ», - ասել է վարչապետը:
Փաշինյանը հայտնել է նաև, որ վարչապետ ընտրվելիս հանդիպել է ՀՀ արտաքին գործերի նախկին նախարար Էդվարդ Նալբանդյանին՝ բանակցային գործընթացի սկզբունքների վերաբերյալ մի շարք պարզաբանումներ ստանալու ակնկալիքով:
«Այնքան հակասական տվյալներ կան, թե ինչ է տեղի ունեցել Կազանում, Վիեննայում, Սանկտ Պետերբուրգում և Քի Վեսթում», - ասել է վարչապետը:
Ավելի վաղ Արցախի և ՀՀ անվտանգության խորհդի նիստում ՀՀ վարչապետը հայտարարել էր, որ Արցախյան հակամարտության բանակցային գործընթացի երեք սկզբունքն ու վեց տարրը պարզաբանման կարիք ունեն: