«Գահերի խաղի» վերջին եթերաշրջանի 1-ին սերիան պաշտոնական պրեմիերայից 3 շաբաթ առաջ հայտնվել է համացանցում:
Չնայած, որ տեսանյութը գրեթե անմիջապես հեռացվել է YouTube-ից, շատերը հասցրել են այն դիտել, իսկ ոմանք սկսել են սփոյլերներ տարածել Twitter-ում, գրում է «Իզվեստիան» Daily Mail-ի վրա հղումով:
Սոցցանցերի օգտատերերը վրդովվել են, որ իրենց էջում սերիալի մասին մանրամասներ են հայտնվել այն մարդկանցից, որոնց նրանք նույնիսկ բաժանորդագրված չեն:
«Գահերի խաղի« վերջին եթերաշրջանը կմեկնարկի ապրիլի 14-ին: Ըստ ֆրանսիական Orange Cinema Series հեռուստացանցի, առաջին երկու սերիաները մոտ մեկ ժամ կտևեն, մյուս չորսը՝ 80 րոպե յուրաքանչյուրը: