Հունվար-փետրվարին տնտեսական ակտիվությունն աճել է 6.5%-ով
2019 թվականի հունվար-փետրվար ամիսներին 2018 թվականի նույն ժամանակահատվածի համեմատ տնտեսական ակտիվության ցուցանիշը ՀՀ-ում աճել է 6.5%-ով:
ՀՀ ազգային վիճակագրական ծառայության տվյալների համաձայն, ընթացիկ տարվա առաջին երկու ամսում նախորդ տարվա նույն ամիսների համեմատ շինարարության ծավալն աճել է 21.6%-ով:
Արդյունաբերական արտադրանքի ծավալը նույնպես աճել է՝ 2%, առևտրի շրջանառությունն աճել է 13.1%-ով, իսկ ծառայությունների ծավալը՝ 17.5%-ով:
