Եթե հաստատվի, որ Ռուսաստանը տանկեր է մտցրել Հարավային Օսեթիա, ապա դա կնշանակի պատերազմ Վրաստանի եւ Ռուսաստանի միջեւ: Այդ մասին հայտարարել է Վրաստանի Անվտանգության խորհրդի քարտուղար Ալեքսանդ Լոմայան, հաղորդում է AFP-ն: Մոտ 150 ռուսական տանկերից եւ զրահամեքենաներից բաղկացած շարասյունը գտնվում է Ցխինվալիի մոտակայքում կամ արդեն մտել է քաղաք: Ռուսական ավիացիան ռմբակոծում է վրացական զորքերի դիրքերը: Վերջին տվյալներով, վրացական ուժերը լքել են Ցխինվալին: