ԱԺ-ում «Կառավարության կառուցվածքի և գործունեության մասին» ՀՀ օրենքում փոփոխությունների և լրացումների մասին նախագծի քննարկման ժամանակ «Իմ քայլը» խմբակցության պատգամավոր Հերիքնազ Տիգրանյանն անդրադարձել է մշակույթի նախարարության արդյունավետությանը:
Նա հատնել է, որ «Թրանսփարենսի Ինթերնեյշնլ» հակակոռուպցիոն կենտրոնի իրականացրած ուսումնասիրությունների համաձայն, վերջին 25 տարում 26 պատմամշակութային հուշարձան է քանդվել, 13-ն ապամոնտաժվել է և չի վերականգնվել:
«Եվ դա այն պայմաններում, երբ ՀՀ օրենսդրությունն արգելում է պատմամշակութային հուշարձանների քանդումը, դրանց ոչնչացումը քրեականացված է: Կար ոլորտը համակարգող առանձին կառույց, բայց այն որքանո՞վ է կատարել իր գործառույթները», - նկատել է Տիգրանյանը:
«Կառավարության կառուցվածքի և գործունեության մասին» ՀՀ օրենքում փոփոխությունների և լրացումների մասին նախագծով մշակույթի նախարարությունը կցվում է ՀՀ կրության և գիտության նախարարությանը: