22 ապրիլի 2019 - 15:13 AMT
Նախնական տվյալով Շրի Լանկայի պայթյուններից ՀՀ քաղաքացիներ չեն տուժել

Հնդկաստանում ՀՀ դեսպանության նախնական տվյալներով՝ Շրի Լանկայում տեղի ունեցած պայթյունների հետևանքով տուժածների թվում ՀՀ քաղաքացիներ կամ ազգությամբ հայեր չկան։

ՀՀ արտաքին գործերի նախարարության թվիթերյան միկրոբլոգի փոխանցմամբ, զարգացումների վերաբերյալ դեսպանությունը կհայտնի հավելյալ:

Ավելի վաղ հայտնի է դարձել, որ պայթյունների շարքը Շրի Լանկայի հյուրանոցներում և եկեղեցիներում մահապարտ ահաբեկիչներ են իրագործել:

Վերջին տվյալներով, պայթյուններից զոհվել է 290 մարդ, ևս 500-ը վիրավորվել է: Զոհերի թվում առնվազն 35 օտարերկրացի կա: Դեռ ոչ ոք պայթյունների պատախանատվությունը չի ստանձնել: