Ստամբուլի քաղաքապետին Զատկից հետո կարմիր ձու են տարել
Թուրքիայի խորհրդարանի ընդդիմադիր Ժողովրդահանրապետական կուսակցության (CHP) պատգամավոր, ազգությամբ հայ Սելինե Դողանն ապրիլի 22-ին՝ Սուրբ Զատիկի հաջորդ օրը, ներկած հավկիթներ է տարել Ստամբուլի նորընտիր քաղաքապետ Էքրեմ Իմամօղլուին:
Այս մասին Դողանը գրառում և լուսանկար է հրապարակել ֆեյսբուքյան իր էջում:
«Սուրբ Զատիկի մեր ուրախությունը կիսեցինք մեր քաղաքապետի հետ», - գրել է նա:
Պոլսահայ պատագամավորը Զատկի տոնի ավանդական թխվածք է նաև տարել քաղաքապետին:
