ՀՀ ԱԺ-ն ընդունել է տեղեկատվական տեխնոլոգիաների ոլորտի ընկերությունների հարկային արտոնությունների տրամադրման ժամկետը երկարաձգելու օրենքի նախագիծը:
«Տեղեկատվական տեխնոլոգիաների ոլորտի պետական աջակցության մասին օրենքում փոփոխություններ և լրացումներ կատարելու մասին» և «Հարկային օրենսգրքում փոփոխություններ կատարելու մասին» օրենսդրական փաթեթով, նորաստեղծ ընկերությունները հարկային արտոնություններից կօգտվեն մինչև 2022 թվականի դեկտեմբերի 31-ը ներառյալ:
Օրենքի քննարկման Ժամանակ ՀՀ տրանսպորտի, կապի և տեղեկատվական տեխնոլոգիաների նախարար Հակոբ Արշակյանն հայտնել է, որ առաջին ընթերցումից հետո նախագծում կատարվել են որոշ փոփոխություններ:
Մասնավորապես, նախագծից հանվել է ՏՏ ոլորտի հայաստանյան ընկերությունների դժգոհությունը հարուցած դրույթը, այն է՝ օտարերկրյա պետություններում գրանցված կազմակերպությունների կողմից ՀՀ-ում հիմնադրված ՏՏ ոլորտի դուստր ընկերություններին հարկային արտոնություններ տրամադրելու վերաբերյալ դրույթը:
