Վարչապետ Նիկոլ Փաշինյանը շնորհավորել է ՀՀ քաղաքացիներին Քաղաքացու օրվա առթիվ: Այդ մասին նա գրառում է կատարել իր ֆեյսբուքյան էջում:
«Սիրելի ժողովու՜րդ, Հայաստանի Հանրապետության հպարտ քաղաքացիներ. շնորհավորում եմ բոլորիդ Քաղաքացու օրվա առիթով:Դուք հաղթել եք և դուք հաղթելու եք: Դուխով:)՚,-ասվում է գրառման մեջ:
Ապրիլի 18-ի նիստում կառավարությունը մոտ 124 մլն դրամ է հատկացրել «Քաղաքացու օրը» նշելու միջոցառումներին։ Որոշման նախագծի համաձայն, գումարը կուղղվի Հայաստանի բոլոր մարզերում և Երևանում «Քաղաքացու օրվան» նվիրված միջոցառումներ պատշաճ անցկացման համար։