30 ապրիլի 2019 - 15:47 AMT
Տավուշում հակառակորդի կրակոցից զինվոր է վիրավորվել

Տավուշի մարզում հակառակորդի կրակոցից պայմանագրային զինծառայող է վիրավորվել, հայտնել է ՀՀ պաշտպանության նախարարի մամուլի քարտուղար Արծրուն Հովհաննիսյանը:

Նա վիրավորում է ստացել գլխի շրջանում:

«Ապրիլի 30-ին Տավուշում հակառակորդի կրակից վիրավորված պայմանագրային զինծառայողի վիճակը ծանր կայուն է, վիրավորում է ստացել գլխի շրջանում, շուտով ուղղաթիռով կտեղափոխվի Երևան», - գրել է Հովհաննիսյանը:

Ավելի վաղ՝ ապրիլի 29-ին, ադրբեջանական զինուժը կրակել է Ոսկեպար-Բաղանիս միջպետական ճանապարհի ուղղությամբ: