ԱՄՆ-ի բասկետբոլի պրոֆեսիոնալ լիգայի է (NBA) «Փորթլենդ» թիմի թուրք բասկետբոլիստ Էնե Քանթերը խստորեն քննադատել է Թուրքիայի նախագահ Ռեջեփ Թայիփ Էրդողանին և այդ երկրի կառավարությունը:

Մայիսի 1-ին «Փորթլենդը» «Դենվերի» հետ արտագնա խաղում հաղթել է 97:90 (28:23, 22:12, 28:29, 19:26) հաշվով:

Խաղից հետո Քանթերը, որը 15 միավոր էր հավաքել, վրդովվել է, որ NBA -ի թուրքալեզու աքաունթը Twitter-ում, ի տարբերություն ամերիկացի գործընկերների, հեռացրել է նրա ցուցանիշները վիճակագրությունից, գրում է ՌԻԱ Նովոստին:

«Ինչ սարսափելի երկիր է Թուրքիան, որը ղեկավարում է թուրք բռնապետ Էրդողանը: Միակ թուրք խաղացողն էի այսօրվա խաղում, իսկ Twitter-ում NBA -ի պաշտոնական թուրքալեզու աքաունթը գրաքննության է ենթարկում ինձ: Նրանք չեն ցուցադրում «Փորթլենդի« խաղերը Թուրքիայում: Կառավարությունը վերահսկում է մարդկանց՝ դա խնդիր է: Ինչպե՞ս է NBA-ը նման բան թույլ տալիս»,-գրել է մարզիկը սոցցանցում:

Քանթերին Թուրքիայում մեղադրում են այդ երկրում ահաբեկչական համարվող «գյուլենական համայնքի» հետ կապեր ունենալու մեջ։ Քանթերը հայտնի է Թուրքիայի նախագահ Ռեջեփ Թայիփ Էրդողանի վարած ներքին քաղաքականության հասցեին կոշտ քննադատություններով: