ՀՀ ոստիկանության ձևավորման փուլում գտնվող պարեկային ոստիկանության համար նախատեսված մեքենաները հնարավոր է Dodge Charger մակնիշի լինեն:
Ավելի վաղ հայտնի է դարձել, որ ճանապարհային երթևեկությունը կկարգավորի պարեկային ոստիկանությունը:
ՀՀ ոստիկանապետին կից հասարակական խորհրդի անդամները փորձարկել են մեքենաների նմուշներից մեկը։
«Տպավորությունները շատ բարձր էին, սակայն դեռևս կան հարցեր և դիտարկվում են նաև այլ տարբերակներ», - նշված է հասարակական խորհրդի ֆեյսբուքյան էջում։
Ըստ ամերիկյան Dodge մեքենաշինական ընկերության պաշտոնական կայքի, 2019 թվականի թողարկման Dodge Charger մակնիշի մեքենայի գինը սկսվում է $29,220-ից: