Մայիսի 6-ին համացանցում տարածվել էր տեսանյութ, որում երևում էր, որ Երևան-Եղվարդ հանրապետական նշանակության ավտոճանապարհին փոսային նորոգման աշխատանքները կատարվել են ջրափոսերի առկայության պայմաններում:
ՀՀ տրանսպորտի, կապի և տեղեկատվական տեխնոլոգիաների նախարարության լրատվական ծառայության փոխանցմամբ, ճանապարհը նորոգող «Նաիրի ՃՇՇ» ԲԲԸ-ն՝ ապրիլի 1-ից սկսած աշխատանքները կատարում է մեծ թերություններով և ոչ ժամանակին:
Ապրիլ ամսվա ընթացիկ պահպանման գումարը նախարարության կողմից կազմակերպությանը չի վճարվել և քննարկվում է կապալառուի հետ պայմանագրի լուծման հարցը: