Սլովակիան վավերացրել է Հայաստան-ԵՄ համապարփակ և ընդլայնված գործընկերության համաձայնագիրը: Այդ մասին իր ֆեյսբուքյան էջում հայտնել է Սլովակիայում և Չեխիայում ՀՀ նախկին դեսպան, Ուկրաինայում ՀՀ գործող դեսպան Տիգրան Սեյրանյանը:
Սլովակիայի խորհրդարանը միաձայն քվեարկել է վավերացման օգտին:
Համաձայնագիրն ուժի մեջ կմտնի, երբ ԵՄ բոլոր 28 անդամ երկրները վավերացնեն այն:
ՀՀ-ԵՄ համաձայնագիրը ստորագրվել է 2017 թվականի նոյեմբերի 24-ին Բրյուսելում:
Համաձայնագիրն արդեն վավերացրել են Բուլղարիան, Դանիան, Էստոնիան, Մեծ Բրիտանիան, Լիտվան, Լատվիան, Լյուքսեմբուրգը, Մալթան, Լեհաստանը, Գերմանիան, Շվեդիան, Հունգարիան, Ֆինլանդիան, Չեխիան: