ՀՀ-ում կարող է ստեղծվել առանձին հետախուզական ծառայություն։ Այս մասին վարչապետ Նիկոլ Փաշինյանը հայտարարել է՝ պատասխանելով հեղափոխությունից հետո ԱԱԾ դերի ու դրա ավելացման հետ կապված մտավախությունների մասին հարցին։
«Մենք քննարկում ենք, ու ԱԱԾ-ն էլ է համաձայն, որ մենք պիտի առանձին հետախուզական ծառայություն ունենանք։ Բայց ինչպիսի՞ն այն պիտի լինի։ Դա պետք է շատ մանրամասն քննարկված ու մտածված գործողություն լինի», - ասել է նա։
Վարչապետը նաև նշել է, որ կառույցից մի շարք գործառույթներ կվերցվեն, երբ ձևավորվի անկախ հակակոռուպցիոն մարմինը։ «Այն դեռ չի ձևավորվել, որովհետև դրա վերաբերյալ 100 տարբեր տեսակետներ կան»,-ասել է նա։
Այս պահին հետախուզական ֆունկցիաները կատարում են ՊՆ ու ԱԱԾ համապատասխան ստորաբաժանումները։