Մայիսի 4-ին հակառակորդի կրակոցից ծանր վիրավորում ստացած 21-ամյա զինծառայող Ագանիկ Զորոգլյանի առողջական վիճակը բարելավվել է, նա գիտակցության է եկել։
ՀՀ Պաշտպանության նախարարի մամուլի քարտուղար Արծրուն Հովհաննիսյանի փոխանցմամբ, զինծառայողի առողջական վիճակի դրական դինամիկան պահպանվում է, կարողացել է խոսել ծնողների հետ։
Արցախի հարավարևելյան ուղղությամբ տեղակայված զորամասերից մեկի պահպանության տեղամասում մայիսի 4-ին՝ ժամը 16:05-ի սահմանում, հակառակորդի կողմից արձակված կրակոցից հրազենային վիրավորում էր ստացել ժամկետային զինծառայող, 1998 թվականին ծնված Ագանիկ Գառնիկի Զորոգլյանը: