Գերմանիայի եկեղեցիներն ահաբեկչության սպառնալիքներ են ստացել Հայոց ցեղասպանության զոհերի հիշատակը ոգեկոչող արարողությունների համար: Այս մասին հայտնել է Վիեննայում տեղակայված Եվրոպայում քրիստոնյաների նկատմամբ անհանդուրժողականության և խտրականության հետազոտությունների կենտրոնը:
Անկախ կազմակերպությունը հիմնադրվել է Եվրոպայի խորհրդի եպիսկոպոսների համաժողովի աջակցությամբ:
Նշվում է, որ վանդալներն ու ավազակներն առնվազն ութ եկեղեցի են վնասել Գերմանիայում ապրիլ ամսից ի վեր: Եկեղեցիներ են ենթարկվել հարձակման նաև Շոտլանդիայում, Անգլիայում, Ֆրանսիայում, Լեհաստանում, Իսպանիայում, Իտալիայում և Ավստրիայում:
Կենտրոնը բացահայտել է, Գերմանիայի Ֆրանկֆուրտ և Շտուտգարտ քաղաքների եկեղեցիներում ահաբեկչության սպառնալիքները Ցեղասպանության զոհերի հիշատակը ոգեկոչող արարողությունների չեղարկման պատճառ են դարձել:
