85 մլն դրամ՝ ԱԺ-ի անցակետերում ռենտգենային զննող սարքեր գնելուն
ՀՀ Ազգային ժողովի անվտանգությունն ապահովելու նպատակով 85 մլն դրամ կհատկացվի թվով 4 ռենտգենային զննող սարքավորում գնելու համար:
Գումարը կհատկացվի 2019 թվականի պետական բյուջեով նախատեսված կառավարության պահուստային ֆոնդից:
Նշվում է, որ Ազգային ժողովի երեք անցակետում տեղադրված ռենտգենային զննող սարքավորումները գտնվում են անսարք կամ շահագործումից դուրս վիճակում: Այդ սարքավորումները տեղակայվել են ՀՀ պետական պահպանության ծառայության կողմից՝ ՀՀ ԱԺ անվտանգության ապահովման համակարգին իրավիճակային լուծում տալու նպատակով և ՀՀ Ազգային ժողովի հաշվեկշռում արտացոլված չեն:
