«Գահերի խաղի» երկրպագուները պահանջում են եզրափակիչ եթերաշրջանի նոր տարբերակ նկարահանել: Համապատասխան խնդրագիրը հայտնվել է Change.org կայքում:
«Դևիդ Բենիոֆն ու Դենիել Բրետ Ուայսն ապացուցեցին, որ բավականաչափ հմուտ սցենարիստներ են, երբ չունեն բնօրինակը (այսինքն՝ գրքերը), որին կարելի է անդրադառնալ: Սերիալն արժանի է այնպիսի եզրափակիչ եթերաշրջանի, որն իմաստ կունենա»,-ասվում է խնդրագրում:
Խնդրագիրն արդեն ավելի քան 250,000 հանդիսատես է ստորագրել:
«Գահերի խաղի» 8-րդ եթերաշրջանը մեկնարկել է ապրիլի 14-ին: Երկրպագուներն արդեն բազմիցս դժգոհություն են հայտնել նոր սերիաների սյուժեի վերաբերյալ, ինչպես նաև անդրադարձել այն բացթողումներին, որոնք թույլ են տվել սերիալի հեղինակները: