TV5-ի հեռուստաընկերության սեփականատեր Արմեն Թավադյանը չի կալանավորվի․ դատարանը մերժել է վարույթն իրականացնող մարմնի միջնորդությունը։

ՀՀ քննչական կոմիտեն Թավադյանին մեղադրանք է առաջադրել քաղաքական ակտիվիստ Վարդգես Գասպարիի հանդեպ բռնություն գործադրելու դեպքով։

Մայիսի 13-ին՝ ժամը 14:50-ին, ոստիկանության Նոր Նորքի բաժնում Գասպարին հաղորդում, ապա բացատրություն է տվել այն մասին, որ նույն օրը՝ ժամը 14:20-ի սահմաններում, Երևան քաղաքի ընդհանուր իրավասության դատարանի Ավան և Նոր Նորքի նստավայրում մի խումբ անձինք հայհոյանքներ են հնչեցրել, քաշքշել են իրեն՝ կատարելով այլ բռնի գործողություններ և ջրի տարայով մեկ անգամ հարվածել են դեմքին՝ պատճառելով մարմնական վնասվածք: