Թրաֆիքինգի զոհ երեխաները 250,000 դրամ միանվագ նպաստ կստանան. Օրենքն ընդունվել է
ՀՀ Ազգային ժողովը երկրորդ ընթերցմամբ և ամբողջությամբ միաձայն ընդունել է «Մարդկանց թրաֆիքինգի և շահագործման ենթարկված անձանց նույնացման և աջակցության մասին» ՀՀ օրենքում փոփոխություններ և լրացումներ կատարելու մասին օրենքի նախագիծը:
Նախատեսում է, որ շահագործման ենթարկված երեխաները մինչև 18 տարին լրանալը կստանան միանվագ աջակցություն` 250,000 դրամի չափով:
Փոփոխությունները, մասնավորապես, կնպաստեն երեխայի իրավունքների պաշտպանության մեխանիզմների բարելավմանը և կբարձրացնեն գործող համակարգի արդյունավետությունը:
Նախատեսված է կարգավորում, որով թրաֆիքինգի և շահագործման ենթարկված երեխաների ուղղորդման ընթացակարգի մշակման համար և պետական, տարածքային կառավարման մարմինների միջև հստակ գործակցության շրջանակների կձևավորվեն:
