ՀՀԿ փոխնախագահ Արմեն Աշոտյանը լրագրողների հետ հանդիպմանն ասել է, որ քաղաքական որևէ օրակարգ ՀՀ երկրորդ և երրորդ նախագահներ Ռոբերտ Քոչարյանի և Սերժ Սարգսյանի հանդիպման ժամանակ չի եղել։
Աշոտյանի խոսքով՝ դա պարզապես մարդկային, ընկերական հանդիպում է եղել։
«Մեր թիմերի միջև ապագայի գործակցության օրակարգ գոյություն չունի։ ՀՀԿ-ի սատարելը Ռոբերտ Քոչարյանին պայմանավորված է մի շարք հանգամանքներով, բայց ոչ այս պահին ընդհանուր քաղաքական ապագայի տեսլականով»,- ասել Աշոտյանը։
Ավելի վաղ երրորդ նախագահ Սերժ Սարգսյանն այցելել է երկրորդ նախագահ Ռոբերտ Քոչարյանին:
Ընթերցեք նաև՝ Աշոտյանը՝ Ապրիլյանի քննիչ հանձնաժողովի մասին. Սերժ Սարգսյանը որևէ բան չունի թաքցնելու։