Ղազախստանում 2 օրում 700 ցուցարար է ձերբակալվել
Հունիսի 9-10-ը՝ Ղազախստանի նախագահական ընտրություններին հաջորդած օրերին, բողոքի ակցիաների 700 մասնակից է ձերբակալվել:
BBC-ի փոխանցմամբ, երկրի ներքին գործերի փոխնախարար Մարատ Կոժաևը հարյուրավոր մարդկանց ձերբակալությունը պատճառաբանել է «չարտոնված հանրահավաքների անցկացմամբ»:
Բողոքի գործողությունների մասնակիցները պնդել են, որ ընտրությունները եղել են ոչ արդար և թափանցիկ, քվեարկության արդյունքները՝ կանխորոշված:
Ղազախստանի նախագահական ընտրություններում հաղթել է Կասիմ-Ժոմարտ Տոկաևը, որը երկրի՝ վերջերս հրաժարական տված նախագահ Նուրսուլթան Նազարբաևի նախընտրած թեկնածուն էր:
