Հունիսի 22-ին ՌԴ Առաջին հեռուստաալիքը փաստագրական ֆիլմ կցուցադրի Չերնոբիլի ԱԷԿ-ում վթարի մասին: Հեռուստաալիքը կարծում է, որ HBO-ի սերիալը «ողբերգության հանդեպ հետաքրքրության հերթական ալիքն է բարձրացրել», գրում է TJ-ն Առաջին ալիքի մամուլի ծառայության վրա հղումով:

Ըստ հեռուստաալիքի, ֆիլմը «վերարտադրում է 1986թ. ապրիլի լույս 26-ի ճակատագրական գիշերվա իրադարձությունները ճշգրիտ հաջորդականությամբ» և պատմում է, թե ինչպես է «ամեն ինչ եղել իրականում»:

«Գրեթե անհայտ է ուղղաթիռների օդաչուների սխրանքի պատմությունը, որոնք արել են գլխավորը՝ դադարեցրել են շղթայական ռեակցիան և ծածկել ռեակտորը ավազի և կապարի հաստ շերտով: Նրանք օրական 1000-ական թռիչք են կատարել, սկզբից նույնիսկ պաշտպանված չլինելով կապարի ազդեցությունից՝ ռեակտորից լինելով 200 մ բարձրության վրա»,-ասվում է հաղորդագրության մեջ:

Հեղինակները խոստացել են պատմել, թե ինչու է ինքնասպան եղել վթարի պատճառների հետաքննման և հետևանքների վերացման կառավարական հանձնաժողովի անդամ Վալեի Լեգասովը: «Իր բովանդակալից պատմության մեջ նա հիշատակել է այն անձանց անունները, որոնք իրականում մեղսակից էին Չերնոբիլի աղետին»,-ասվում է հայտարարության մեջ:

«Չերնոբիլը» պատմական մինի սերիալ է Չերնոբիլի ԱԷԿ-ում 1986-ի ապրիլի 26-ին տեղի ունեցած պայթյունի և հետևանքների վերացման մասին: Մինի սերիալը թողարկվել է մայիսի սկզբին և առաջին հորիզոնականն է զբաղեցրել շոուների վարկանիշում ըստ Internet Movie Database (IMDb)-ի, ստանալով հեռուստադիտողի ամենաբարձր գնահատականները: