ԱՄՆ-ում կրակոցներ են հնչել ավարտական երեկոյի ժամանակ՝ 1 զոհ կա և 7 վիրավոր:
Դեպքը տեղի է ունեցել Ֆիլադելֆիայում՝ Փենսիլվանիայի նահանգ: Ինչպես հայտնում է CBS Philly հեռուստաալիքը ոստիկանության վրա հղումով, տուժածների թվում 15-17 տարեկան 4 դեռահաս կա և 3 մեծահասակ:
Ոստիկանությունը հայտնել է, որ կրակոցների դրդապատճառներն ու կրակողների քանակը դեռ հայտնի չէ, գրում է ՌԻԱ Նովոստին:
Ըստ նախնական տվյալների, կրակոցներից առաջ ծեծկռտուք կամ վիճաբանություն չի եղել: Ոստիկանությունը հետաքննում է միջադեպը: