Հայաստանը գաստրոնոմիկ զբոսաշրջության համար լավագույն 5-յակում է
ՏուրՍտատ վերլուծական գործակալությունը Գաստրոնոմիայի օրը՝ հունիսի 18-ին, ներկայացրել է ամառային գաստրոնոմիկ ուղևորությունների և ճամփորդությունների համար լավագույն երկրների վարկանիշը:
Ռուսաստանցի զբոսաշրջիկների շրջանում Վրաստանը, Հայաստանը, Բելառուսը, Իտալիան և Ֆրանսիան ամենապահանջված արտասահմանյան ուղղություններն են, իսկ Սանկտ Պետերբուրգը, Մոսկվան, Կազանը, Մերձմոսկովյան շրջանն ու Վլադիմիրյան շրջանը լավագույնն են Ռուսաստանի տարածքում:
Ըստ ՏուրՍտատի, Վրաստանը որպես լավագույն գաստրոնոմիական ուղղություն ստացել է ձայների 16%-ը, Հայաստանը՝ 10%-ը, իսկ Բելառուսը, Իտալիան և Ֆրանսիան՝ 6-ական տոկոս:
Վարկանիշը կազմվել է համացանցում հարցման արդյունքների հիման վրա:
