2-րդ անգամ առաջադրված Վահե Գրիգորյանն ընտրվել է ՍԴ դատավոր
Հունիսի 18-ին Ազգային ժողովը փակ քվեարկությամբ ՀՀ սահմանադրական դատարանի դատավոր է ընտրել փաստաբան Վահե Գրիգորյանին:
Հաշվիչ հանձնախմբի նախագահ Վահագն Հովակիմյանի խոսքով, Գրիգորյանի թեկնածությանը կողմ է քվեարկել 99 պատգամավոր, դեմ է քվեարկել 22-ը:
Մեկ քվեաթերթիկ ճանաչվել է անվավեր:
2018 թվականին 6-րդ գումարման ԱԺ-ն չէր ընտրել ՀՀ նախագահ Արմեն Սարգսյանի կողմից առաջադրված ՍԴ դատավորի թեկնածու Վահե Գրիգորյանին:
