ՀՀ 6 մարզի՝ Արարատի, Արմավիրի, Վայոց ձորի, Արագածոտնի, Լոռու, Շիրակի, մոտ 47 կմ երկարությամբ 8 ճանապարհահատվածում սկսվել են վերականգնման աշխատանքներ։
Տարածքային կառավարման և ենթակառուցվածքների նախարարության փոխանցմամբ, հայտարարված է ևս 4 ճանապարհահատվածի վերականգնման աշխատանքների մրցույթ։
Կենսական նշանակության ճանապարհների վերականգնման աշխատանքները ներառում են հողային պաստառի վերականգնում, ճանապարհային պատվածքի վերակառուցում, ճանապարհային անվտանգության ապահովում։ Վերականգնվելու են նաև ջրահեռացման համակարգերը, կատարվելու են կահավորման աշխատանքներ։
2019 թվականի ընթացքում ծրագրված է հանրապետությունում հիմնանորոգել մոտ 60 կմ ընդհանուր երկարությամբ կենսական նշանակության ճանապարհ։ Հիմնանորոգվող ճանապարհներից օգտվում է 29 համայնքի մոտ 56,000 բնակիչ:
