Սահմանադրական դատարանի նախագահ Հրայր Թովմասյանը, մինչ աշխատանքային օրվա սկիզբը պատասխանելով լրագրողների հարցին, ասել է, որ, հավանաբար, հայտարարությամբ հանդես կգա ՍԴ նորընտիր դատավոր Վահե Գրիգորյանի` ինքն իրեն դատարանի նախագահ հռչակելու վերաբերյալ:
«Դե, ես աշխատանքի եմ գնում, ինչպես տեսնում եք: Ինչ-որ հայտարարություններ, եթե անհրաժեշտություն լինի, կանեմ և մամուլի հետ կհանդիպեմ: Այս պահին ոչինչ չունեմ ասելու»,- ասել էնա, հայտնում է Yerkir.am-ը:
Ավելի վաղ նորընտիր ՍԴ դատավոր Վահե Գրիգորյանն ԱԺ-ում իր հանդիսավոր երդման ժամանակ ինքն իրեն հռչակել է ՍԴ նախագահ` միաժամանակ հայտարարելով, որ Սահմանադրական դատարանում կա միայն 2 դատավոր:
Հունիսի 18-ին Ազգային ժողովը փակ քվեարկությամբ ՀՀ սահմանադրական դատարանի դատավոր է ընտրել փաստաբան Վահե Գրիգորյանին:
