Երկու քաղաքացի, ՀՀ զինված ուժերի որոշ հրամանատարների և քաղաքացիների ներկայանալով որպես ՀՀ կառավարության հատուկ ծառայության գեներալներ, 2018-ի սեպտեմբերից խաբեությամբ պահանջել և հափշտակել են $600-1500-ական` ժամկետային զինծառայության մեջ գտնվող նրանց որդիներին ցանկալի ստորաբաժանումներում տեղավորելու կամ վաղաժամկետ զորացրելու համար:
ՀՀ ազգային անվտանգության ծառայության լրատվական կենտրոնի փոխանցմամբ, նրանք կրել են համապատասխան ուսադիրներով համազգեստ:
Առերևույթ հանցագործության դեպքի առթիվ ԱԱԾ քննչական դեպարտամենտում հարուցվել է քրեական գործ ՀՀ քրեական օրենսգրքի համապատասխան հոդվածով: Նշված անձինք ՀՀ ԱԱԾ-ում խոստովանել են իրենց մեղքը:
Կատարվում է նախաքննություն: