Բռնցքամարտիկ Կարեն Տոնականյանը (60 կգ) դարձել է երկրորդ Եվրոպական խաղերի բրոնզե մեդալակիր: Բելառուսի մայրաքաղաք Մինսկում ընթացող Եվրոպական խաղերի մրցումային 8-րդ օրը Տոնականյանը կիսաեզրափակիչում մենամարտել է Բելառուսի ներկայացուցիչ Դմիտրի Ասանովի հետ և 1:4 հաշվով պարտություն կրեց: Այսպիսով, Տոնականյանը դարձել է Եվրոպական խաղերի բրոնզե մեդալակիր:

Հայ բռնցքամարտիկը մենամարտին մասնակցում էր վնասվածքով՝ 1/4 եզրափակիչում նա կոտրել էր մատը, հայտնում է ՀԱՕԿ լրատվականը:

Կարեն Տոնականյանը պայքարը սկսել էր 1/8 եզրափակիչից, որտեղ 5։0 հաշվով հաղթել էր իսպանացի Քրիստիան Վասկեսին։ 1/4 եզրափակիչում Տոնականյանի մրցակիցը բրիտանացի Կալում Ֆրենչն էր, որին հայ բռնցքամարտիկը հաղթել է 3:2 հաշվով:

Հունիսի 28-ին հայ բռնցքամարտիկներից ռինգ դուրս կգան նաև Արթուր Հովհաննիսյանը (49 կգ), Հովհաննես Բաչկովը (64 կգ) և Գոռ Ներսեսյանը (81 կգ)։