Հուլիսի 14-ից «Ռոստելեկոմը» մեկնարկել է «Ամառն ավելի հետաքրքիր է «Ռոստելեկոմ»-ի հետ» կինոդիտումների շարքը ՀՀ մոտ տասնյակ քաղաքներում։ Բացօթյա կինոդիտումների ընթացքում ընկերության կողմից ստեղծվող ուրախ և տրամադրող մթնոլորտը յուրաքանչյուր քաղաքում կազմակերպվում է ամենաբանուկ հանգստյան գոտիներում՝ քաղաքապետարանների հետ գործակցությամբ։
Միջոցառումներ արդեն իսկ անցկացվել են 5 քաղաքում՝ Արմավիրում, Մասիսում, Հրազդանում, Արարատում և Աշտարակում, առաջիկայում ցուցադրություններ նախատեսվում են նաև Չարենցավանում, Սևանում և Իջևանում։
Բացօթյա կինոդիտումները հնարավորություն են ընտանիքի անդամների և ընկերների հետ հաճելի ժամանակ անցկացնելու․ ընդգրկված են հայկական կինոարտադրության ժամանակակից մուլտֆիլմեր և ֆիլմեր՝ հնարավորություն ընձեռելով թե մեծերին, թե փոքրերին վայելելու ամառային երեկոները բացօթյա կինոթատրոնում։
Առաջիկա ցուցադրությունների, ինչպես նաև արդեն իսկ անցկացված դիտումների վերաբերյալ տեղեկատվություն և լուսանկարները «Ռոստելեկոմ»-ի ֆեյսբուքյան էջում են։
Ընկերությունը մշտապես տեղեկացնում է առաջիկա կինոդիտումների քաղաքների և հասցեների մասին։
