Ճապոնիայի գրեթե ամբողջ տարածքում հաստատված շոգի պատճառով մեկ շաբաթում՝ հուլիսի 22-28-ը, 11 մարդ է մահացել: 5664 մարդ հիվանդանոց է տեղափոխվել: Վիճակագրությունը հուլիսի 30-ին հրապարակել է երկրի Գլխավոր հրշեջ ծառայությունը:
Հոսպիտալացվածների քանակը գերազանցել է նախորդ շաբաթվա ցուցանիշները 3 անգամ: Գլխավոր պատճառը սաստիկ շոգն է, որը կտրուկ է հաստատվել ճապոնացիների համար համեմատաբար զով հունիսից և հուլիսի առաջին կեսից հետո, գրում է ՌԻԱ Նովոստին:
Ամռան առաջին կեսի ջերմաստիճանն ամենացածրն է եղել վերջին 30 տարում: Տուժածների մեծ քանակը բացատրվում է շոգ եղանակի կտրուկ հաստատմամբ, երբ ջերմաստիճանը հասավ 32-35 աստիճանի: