ՀՀ կառավարությունը 3.3 մլրդ դրամ կհատկացնի Արգավանդ-Շիրակ ճանապարհահատվածի կառուցման շինարարական աշխատանքների համար. ծրագիրն իրականացվում է Ասիական զարգացման բանկի աջակցությամբ։

Ճանապարհահատվածի կառուցման շինարարական աշխատանքների իրականացման նպատակով Levantina Ingenieria Y Construccion S.L կազմակերպության հետ հուլիսի 16-ին կնքվել է պայմանագիր, որով նախատեսված է տրամադրել կանխավճար մոտ 2.5 մլրդ դրամի չափով, ինչպես նաև այս տարի նախատեսվում է կատարել վճարումներ շինարարական աշխատանքների համար մոտ 2 մլրդ դրամի չափով։

Սակայն 2019 թվականի բյուջետային տարվա կտրվածքով կապիտալ ծախսերի համար հաստատված վարկային միջոցները բավարար չեն այս վճարային պարտավորությունները կատարելու համար։