ՀՀ կառավարության օգոստոսի 29-ի նիստում որոշվել է 18 մլն դրամ հատկացնել Երևանի պետական համալսարանի 100-ամյա հոբելյանի միջոցառումների ծախսերը փոխհատուցելու նպատակով։
Գումարը կտրամադրվի «Երևանի պետական համալսարան» հիմնադրամին նվիրաբերության պայմանագրի հիման վրա։
Ըստ նախահաշվի, նախատեսվում է Բաղրամյան 26-ում ընդունելության կազմակերպում (110 մարդ), ԵՊՀ Կենսագրական հանրագիտարանի վերահրատարակում, Համալսարանի 100 ամյակին նվիրված նամականիշի ներկայացում, ԵՊՀ պատմությունից ալբոմ-գիրք հրատարակություն, «Քնար Համալսարանի» բանաստեղծություններ նվիրված համալսարանին, դասախոսներին և ուսանողությանը և այլն։
Ընդհանուր՝ ԵՊՀ 2019-ի միջոցներով և այլ ֆինանսական աղբյուրների միջոցով կհատկացվի 56,5 մլն դրամ։