Փրկարար ծառայության շարքային անձնակազմի միջին աշխատավարձը 85-90 հազար դրամից կդառնա 130 հազար դրամ: Կառավարությունը հավանություն է տվել որոշման նախագծին:

Նախագիծը կառավարությունում ներկայացրել է ՀՀ արտակարգ իրավճակների նախարար Ֆելիքս Ցոլակյանը՝ անդրադառնալով փրկարարների հավելավճարների թեմային։ «Բարձրացումը նախատեսում է ընդհանուր աշխատավարձերի ֆոնդի բարձրացում 29%-ով։ Հիմնական բարձրացումը նախտեսվում է ներքևի օղակի աշխատողների համար։», - ասել է նա:

2019-ի բյուջեում նախատեսվում է 475 միլիոն 802 հազար դրամ, իսկ 2020-ի պետբյուջեում՝ 1 միլիարդ 903 միլիոն դրամի ծախսերի ավելացում: Փրկարարների աշխատավարձերը կբարձրանան հոկտեմբերի 1-ից: