Երևանը ռուսաստանցի զբոսաշրջիկների շրջանում աշնանային ճամփորդությունների համար ԱՊՀ լավագույն քաղաքների 3-յակում է ընդգրկվել: Այդ մասին հայտնում է զբոսաշրջային ՏուրՍտատ պորտալը:

Այդպես, ԱՊՀ լավագույն քաղաքների առաջին տասնյակում են ընդգրկվել Մինսկը Բելառուսից, Աստանան՝ Ղազախստանից, Երևանը՝ ՀՀ-ից, Ալմաթին՝ Ղազախստանից, Բաքուն՝ Ադրբեջանից, Թաշքենթը՝ Ուզբեկստանից, Քիշնևը՝ Մոլդովայից, Բիշքեկը՝ Ղրղզստանից, Դուշանբեն՝ Տաջիկստանից և Աշգաբադը՝ Թուրքմենստանից:

Նշվում է, որ Մինսկում սեպտեմբերի 20-ից հոկտեմբերի 8-ը անցնում է «Թատրոն» Թատերական արվեստի միջազգային փառատոնը, իսկ Հայաստանում, Արենի գյուղում, անցկացվում է գինեգործության ամենամյա փառատոնը:

Ըստ ՏուրՍտատի, զբոսաշրջիկները դեպի ԱՊՀ երկրներ և քաղաքներ ուղևորությունների ժամանակ մեկ օրվա կացության և սննդի համար ծախսում են $40- $100: Զբոսաշրջիկները նախընտրոմ են Մինսկ ու Երևան մեկնել հանգստյան օրերին, իսկ Բաքու և Աստանա՝ շոփինգի համար: